Qaytarish siyosati

• mahsulot yetkazilmagan yoki kirish ishlamayapti va Sotuvchi muammoni murojaatdan so’ng 3 kun ichida hal qilmagan bo’lsa;
• mahsulot tavsifga jiddiy darajada mos kelmasa (masalan, va’da qilingan darslar yoki fayllar mavjud emas);
• bir buyurtma uchun ikki marta to’lov amalga oshgan yoki texnik xato yuz bergan bo’lsa;
• xizmat (konsultatsiya, audit) Sotuvchi aybi bilan ko’rsatilmagan bo’lsa;
• obuna davrida Sotuvchi kontent yoki kanalga kirishni ta’minlamagan bo’lsa.

• mahsulot to’liq yetkazilgan va tavsifga mos bo’lib, xaridor shunchaki fikrini o’zgartirgan bo’lsa;
• fayllar yuklab olingan yoki kurs materiallarining sezilarli qismi ko’rilgan bo’lsa;
• litsenziya kaliti ko’rsatilgan yoki faollashtirilgan bo’lsa;
• Telegram kanalga taklif havolasidan foydalanilgan bo’lsa (kanal ishlamay qolgan holatlar bundan mustasno);
• xizmat kelishilgan tarzda ko’rsatilgan bo’lsa;
• xaridor Foydalanish shartlarini buzgan bo’lsa (masalan, kontentni tarqatgan).

Ushbu cheklovlar qonunchilikda nazarda tutilgan iste’molchi huquqlarini cheklamaydi. Mahsulot sifatsiz bo’lsa, siz qonunda belgilangan himoyaga egasiz.

Qaytarish so’rovi xarid qilingan kundan boshlab 3 kun ichida yuborilishi kerak. Obunalar uchun — joriy to’lov davri ichida.

Muddat o’tgandan keyin yuborilgan so’rovlar istisno tariqasida, Sotuvchi roziligi bilan ko’rib chiqilishi mumkin.

• Avval Sotuvchiga yozing: xarid sahifasida yoki xat ichida uning aloqa ma’lumotlari ko’rsatilgan. Ko’p muammolar shu bosqichda hal bo’ladi.
• Sotuvchi 2 ish kuni ichida javob bermasa yoki kelishuvga erishilmasa, support@tugma.uz manziliga buyurtma raqami (TG-XXXXXXX), xarid qilingan elektron pochta va muammo tavsifini yuboring.
• Platforma ikkala tomon dalillarini ko’rib chiqib, 5 ish kuni ichida qaror qabul qiladi.

Qaytarish ijobiy hal qilinsa, to’lov qilingan karta yoki hamyonga Click orqali qaytariladi. Mablag’ kartaga tushish muddati bankka bog’liq va odatda 1–10 bank kunini tashkil etadi.

Qaytarilgan buyurtma bo’yicha mahsulotga kirish huquqi bekor qilinadi: fayllar, darslar va litsenziya kaliti faolsizlantiriladi.

Qaytarilgan summa Sotuvchi balansidan yechiladi; hamkor komissiyasi ham bekor qilinadi. Agar balans yetarli bo’lmasa, qarzdorlik keyingi sotuvlardan ushlab qolinadi.

Sotuvchi o’z tashabbusi bilan, kutish muddati ichida, istalgan buyurtma bo’yicha pulni qaytarishi mumkin.

Agar xaridor to’lovni bank yoki to’lov tizimi orqali bahslashsa (chargeback), Platforma tekshiruv tugaguniga qadar tegishli mablag’ni muzlatishi mumkin. Asossiz bahslar takrorlansa, xaridor hisobi cheklanishi mumkin.